Гранттарға өтінім қабылдау басталды

Құрметті ата-аналар!

«MIRAS» халықаралық мектебі 2026–2027 оқу жылы үшін 10–11 сыныптарға және IB Дипломдық бағдарламасына білім беру грантын алу бойынша жыл сайынғы байқауға өтінім қабылдауды бастады.
Байқаудың мақсаты – мемлекеттік мектептердің жоғары нәтижелі оқушыларын анықтап, халықаралық білім алуға ынталы оқушыларды анықтау және қолдау.

Байқауға қатыса алатын оқушылар:

9 немесе 10 сыныпты бітірген;
барлық пәндер бойынша бағалары «жақсы» және «өте жақсы» деңгейінде;
тестілеу пәндері бойынша (математика, орыс тілі, ағылшын тілі) бағалары «өте жақсы»;
Қазақстан Республикасының азаматтығы бар және орта білім беру ұйымында оқитын.

Байқауға іріктеудің өткізілу күндері:

Құжаттарды қабылдау-2026 жылдың 18 ақпаннан 10 сәуірге дейін;
Келесі кезеңге үміткерлерді іріктеу-2026 жылдың 13 сәуірден 24 сәуірге дейін;
Пәндер бойынша тестілеу-2026 жылдың 24 сәуірден 23 мамырға дейін;
Тестілеу нәтижелерін қорытындылау-2026жылдың 25 мамырдан 29 мамырға дейін;
Нәтижелерді жариялау-2026 жылдың 1 маусымнан 12 маусымға дейін.

Гранттар оқу ақысының 100% немесе 50%-ын құрайды.
Гранттар әр семестр сайын расталады.

10 немесе 11 сыныпқа түсу үшін келесі пәндер бойынша тестілеуден өту қажет

Шет тілі (ағылшын тілі);
Математика (орыс тілінде);
Орыс тілі (эссе жазу).

IB дипломдық бағдарламасына түсу үшін
(оқу тілі – ағылшын тілі) келесі пәндер бойынша тестілеуден өту қажет:

Ағылшын тілі;
Математика (ағылшын тілінде).

Грантқа қатысу үшін келесі құжаттарды тапсыру қажет:

Мектеп директорына жазылған жазбаша өтініш, ата-ананың (заңды өкілдің) қолымен қабылдау кеңсесіне тапсырылуы қажет, немесе скан-көшірмесін келесі поштаға жіберу: grant@miras-astana.kz
Баланың алдыңғы оқу жылындағы жетістіктерін растайтын құжаттар: үлгеру табелі, сертификаттар, мадақтамалар.
(PDF форматында келесі поштаға жіберу: grant@miras-astana.kz)

10 сынып:

11 сынып:

IB Дипломдық бағдарламасы: